Ливан тўртта ўртоқлик ўйини ўтказади
28 aug 2013 13:41
News

Ливан тўртта ўртоқлик ўйини ўтказади

Ливан футбол ассоциацияси Осиё Кубоги-2015 саралаш босқичидан ўрин олган Қувайт билан кечадиган ўйинлар арафасида (уйда ва сафарда) тўртта ўртоқлик учрашуви ўтказиш ҳақида хабар берди.

Хабарга кўра, Ливан терма жамоаси 6 сентябрь куни Бейрутда Сурия термасига қарши ўртоқлик учрашувида майдонга тушади. Кейин эса қизиллар орадан уч кун ўтиб, Дохада Қатар термаси билан куч синашиб кўришади. Бундан ташқари, Жузеппе Жаннини шогирдлари 8 октябрда Уммон билан ҳам назорат баҳсида майдонга тушишади. Ва ниҳоят терма жамоа 9 ноябрь куни Манамада Баҳрайн термаси билан ҳам ўртоқлик ўйини ўтказишга келишиб олди.

Маълумки, Ливан Осиё Кубоги саралаш баҳсларида В гуруҳида кураш олиб боряпти. Улар биринчи ўйинда Эрондан 0:5 ҳисобида мағлубиятга учрашди, кейин эса Таиландни 5:2 ҳисобида енгишди. Ливан навбатдаги расмий учрашувини 15 октябрь куни ўз майдонида Қувайтга қарши ўтказади. Кейин эса 15 ноябрда Қувайт меҳмони бўлади. Бу ўйинлар 2015 йил Австралияда бўлиб ўтадиган Осиё чемпионати саралаш босқичидан ўрин олган.

Link :

Source : championat.asia

Receive latest football news directly on your phone. Subscribe for our Telegram channel!

Rating: