“Лилль” бош мураббийи истеъфога чиқарилди

Француз клуби 62 ёшли мутахассис билан шартнома бекор қилинганлигини маълум қилди.

Мураббийига компенцация тўланиши борасида аниқ гап ҳали айтилмаган. Илгарироқ бу сумма 15-20 миллион еврони ташкил этиши ҳақида хабар берилганди.

Сўнгги хабарларга кўра, клуб бўшаб қолган ўринга учта номзодни кўриб чиқмоқда. Булар “ПСЖ” собиқ устози Лоран Блан, яқинда “Сент-Этьен”дан четлатилган Оскар Гарсия ва “Уотфорд” устози Марко Силва.

“Лилль” Франция чемпионатида 17-турдан кейин 18 очко билан жадвалнинг 18-поғонасида бормоқда.