"Лейпциг" Гвардиолни сотишга тайёр. Немис клуби футболчига нарх белгилади

"Лейпциг" ва Хорватия марказий ҳимоячиси Йошко Гвардиол сўнгги мавсумларда бутун қитъада ўз мухлисларини тўплади. Чемпионлар Лигасининг янги ғолиби "Манчестер Сити" уни ўз сафига қўшиб олмоқчи.

Бироқ "FanSided" маълумотларига қараганда, "Лейпциг" 21 ёшли футболчи учун рекорд даражадаги сумма – 75 миллион фунт талаб қилади. Бу Гвардиолни футбол тарихидаги энг қиммат ҳимоячига айлантиради.

21 ёшли хорватияликнинг "Лейпциг" билан шартномаси 2027 йилнинг 30 июнига қадар амал қилади. Тransfermarkt портали футболчини 75 миллион еврога баҳоламоқда.

Гвардиол жорий мавсум "Лейпциг" сафида 41 та ўйинда майдонга тушиб, 3 та тўп киритди.