Левандовски: "Месси билан рақобатга киришганимнинг ўзи даражамни кўрсатиб турибди"

Польшалик Роберт Левандовски "Олтин тўп" учун курашда аргентиналик Лионель Мессига ютқазиб, иккинчи ўринни эгаллаганидан кейин унчалик ёқимли ҳис-туйғуларни бошдан кечирмаганини тан олди.

“Ўтган ҳафта оғир бўлди. Яширмайман, хафа бўлдим. Мен хурсанд эмасдим, ўйнаш ҳам қийин кечди.

Мен Мессини, унинг ютуқлари ва даражасини ҳурмат қиламан. Лионель билан рақобатга киришганимнинг ўзи менинг даражамни кўрсатиб турибди. Бу менда ғурур уйғотади", – деди Левандовски.