“Лестер” ярим ҳимоячиси “Реал”га ўтиш эҳтимоли бор

Манбага кўра, “Лестер” ярим ҳимоячиси Жеймс Мэддисонга “Реал” қизиқмоқда.

“Қироллик клуби” Жеймсни Лука Модричга ўринбосар сифатида кўрмоқда. Мэддисоннинг “тулкилар” билан амалдаги шартномаси 2024 йил ёзигача мўлжалланган. Унинг трансфер нархи эса 80 млн еврога баҳоланмоқда.

25 ёшли инглизга ўтган мавсум кўплаб жамоалар таклиф билан чиққанди. Унинг ўзи “Арсенал”га ўтишни хоҳлаган, аммо молиявий талаблар туфайли трансфер амалга ошмади.

Мэддисон 2018 йилдан бери “Лестер” шарафини ҳимоя қилиб келмоқда. У жорий мавсум АПЛда 26 ўйинда қатнашиб, 8+3 натижа кўрсатди.