"Лестер" Марокаш термаси хавбеки учун 45 млн евро таклиф этишга тайёр

"Анже" ярим ҳимоячиси Аззедин Унаи фаолиятини АПЛда давом эттириши мумкин.

"L'Equipe" хабарига кўра, марокашлик футболчига "Лестер" қизиқмоқда. "Тулкилар" ярим ҳимоячининг трансфери учун 45 миллион евро таклиф қилиш истагида.

22 ёшли футболчига "Севилья" ҳам қизиқяпти. Шунингдек, "Барселона" Унаини трансфер қилмоқчи эканлиги ҳақида хабар қилинганди – у Бернарду Силва ёки Илкай Гюндоганни сотиб олишнинг муқобилига айланиши мумкин. Каталонияликларда "Манчестер Сити" футболчиларини сотиб олиш учун пул йўқ.

Унаи Лига 1 жорий мавсумида 14 та ўйинда майдонга тушди.