Latest news

20:49Ислом Исмоилов: "Хитойга қарши ўйин осон ўтмайди"  0 20:22"Реал"нинг март ойидаги энг яхши футболчиси эълон қилинди  0 20:15Суперлига. “Сурхон” — “Қўқон-1912” 0:0 (матнли трансляция)  10 19:55Суперлига. "Бунёдкор" "Бухоро"ни мағлуб этди ва пешқадамга айланди  24 19:51Англия Кубоги ярим финалининг тақвими тасдиқланди. "Манчестер Сити" учрашуви қайси вақтда бошланади?  3 19:30Эшпириту Санту ушбу мавсумда 3-марта АПЛда ойнинг энг яхши мураббийи деб топилди  0 19:06ЎФА ва "Локомотив" Равшан Муқимовни тақдирлади  0 18:54Ўзбекистон Кубоги. "Хоразм ФА" ишончли ғалабага эришди, "Лочин" "Дўстлик" билан ўйинда камбэк қайд этиб, Суперлига жамоалари билан тўқнаш келадиган бўлди  1 18:14"Барса" яна молиявий муаммолар гирдобида: клуб Ямални сақлаб қолиш учун Араухони сотишга мажбур  27 17:45"Ливерпуль" ва "Челси" испаниялик футболчи трансфери учун курашга киришмоқда  1 17:04Нодирбек Абдураззоқов: "ОКМКни мавсум бошида ҳеч ким эсламайди, бу ҳолат менга ёқмайди"  1 16:43Суннатилла Абдуллажонов: "Хоразм"нинг ғалабали старти биз учун кутилмаган ҳолат эмасди, очколарни мавсум якунида санаймиз"  0 16:17"Сити" афсонаси жамоадан кетаётганини эълон қилди!  20 15:59Португалиялик футбол агенти Файзуллаевнинг "Бенфика"га трансфери масаласида фикр билдирди  16 15:37Бруну 5-марта ва 2020 йилдан бери илк бор АПЛда ойнинг энг яхши футболчиси бўлди  2

Лео Месси. У энди Хелайфининг "кичик шаҳзода"си News

Лео Месси. У энди Хелайфининг "кичик шаҳзода"си

"Мен бир кунда 43 марта қуёш ботишини кузатганман".

Антуан де Сент-Экзюпери ўзининг энг машҳур асарида шундай фикр келтиради. Тасаввурга сиғмайдиган абсурд. Бироқ, бу гап фалсафий қиссадаги фантастик қаҳрамон тилидан айтилган. 

Адабиёт ўз йўлига. Бугун реал ҳаётдаги абсурдлар ҳақида гаплашамиз. 2007 йилги "Олтин тўп" ғолибини тақдирлаш маросимида бош роль "Милан" етакчиси Каканинг чекига тушган. Бразилиялик ўйинчи мукофотни оммага кўз-кўз қилаётган паллада кимдир чиқиб, бугун ундан ортда қолган 20 ёшли аргентиналик келажакда бу совринни 6 марта ютишини айтса, давлат жиннихоналаридан бирига йўлланма бериларди.

Рост, 14 йил муқаддам 6та "Олтин тўп"ли футболчи дунёдаги энг хаёлпараст кишининг Тинч океанидан улканроқ тасаввурига ҳам сиғмасди. Месси эса кишилар хаёлотидаги чегараларни ўзбек ҳокимлари уйларни бузганидек бузиб юборди.

2000 йил. Биласиз, Каталонияга келганида унинг жуссаси тенгдошлариникига нисбатан анча кичик эди. Ўшанда гормонлар танқислиги туфайли ўсмай қолган 13 ёшли йигитча 20 йилдан кейин "Барселона"дан каттароқ номга айланиши ҳақида ўйлаш кулгили эди. Бугун эса Леони инстаграм орқали 246 млн киши таъқиб қилаётган бўлса, клуб 100 млнлик довондан ўтолганича йўқ.

Юқорида аргентиналик чарм тўп устаси кишиларнинг хаёлларини бузиш учун туғилганини айтдик. Мухлислар назарида у "Барса" билан жипслашиб кетган, ҳеч қачон айрилмайдигандек эди. Рост, Месси Каталонияни Росариодан кўпроқ севади. Чунки у ўзини шу манзилда таниди, бутун дунё уни шу нуқтада кашф қилди. Аммо, каттакон темир эшикни кичкина қалит очганидек, бу ҳикоянинг интиҳоси учун ҳам миттигина асос топилди. Лео ортиқ Каталонияда эмас.

Ҳаммаси эртакдагидек

"Пари Сен-Жермен" бир неча соат олдин унинг трансферини эълон қилди. Мазкур хабарни ўқишим билан Экзюперининг "Кичкина шаҳзода"си ярқ этиб кўз олдимга келди. Эртакда шундай саҳна бор: Саҳройи Кабирга тушиб қолган учувчи кимсасиз саҳрода сув топишга кўзи етмай, тушкунликка тушиб қолади. Шу вақт кичик шаҳзода уни олға боришга ундайди ва одамзод масканидан 1000 чақирим нарида булоқ топиб, ҳаётда қолишига кўмаклашади. 

Саноқсиз миллионларни сарфлаб, катта юлдузларни Парижга жамласа ҳам, Чемпионлар Лигасини ютолмаётган Носир ал-Хелайфи саҳродаги учувчига ўхшайди. Лео эса унинг "кичкина шаҳзода"сига айланиб, мақсадига етиштирадигандек гўё...

Фахриддин Рўзиев

Author :
Rating: +32   

Comments

championat.asia
< show latest news
Яндекс.Метрика