Лэмпард: “Челси” трансферларга эҳтиёж сезмоқда”

“Биз кубок баҳсларида юришда давом этамиз, бу яхши. Аммо масаланинг ёмон томони бу каби беллашувларда гарчи ўйин тизгини қўлимизда бўлсада, баҳс охири анча асабий кечди.

Ёзда “Челси” ўзига хос “зарба”ни қабул қилиб олди ва бу бизга ҳалигача “оғриқ” бериб келмоқда. Биз жамоа тарихидаги энг яхши футболчилардан бири Эден Азарни йўқотдик. Менинг вазифам – ҳар куни ишлаб, жамоага машғулот ўтказиб, футболчиларни яхшироқ ҳолатга олиб чиқиш. Ўтган йил ёзда биз ўз позициямизни сақлай олмадик ва энди олдинга интилишимиз учун бизга трансферлар керак бўлади. Пул менинг муаммоим эмас, аммо мен очиқлик ва ҳалоллик тарафдоириман”, дея Лэмпарднинг сўзларидан иқтибос келтирмоқда ВВС.

Эслатиб ўтамиз, “Челси” қишки трансфер ойнаси вақтида ҳозирча бирор бир футболчини ўз сафига қўшиб олганича йўқ. Лэмпард жамоаси АПЛ баҳсларида 24 учрашувдан 40 очко жамғариб, турнир жадвалининг 4-поғонасида бормоқда.