ЛегионерУз. Сергеев жамоаси 2 та, Ҳайдаров жамоаси 7 та гол фарқи билан мағлуб бўлди

Бир кун аввал Отабек Шукуров тўп сурадиган “Шаржа” бемалол ютиши мумкин бўлган ўйинини бой берган бўлса, кеча Игорь Сергеевнинг “Ал-Дафра”си Сардор Рашидовнинг эндиликдаги собиқ клуби “Ал-Жазира”дан таслим бўлди. Жароҳатидан тўлиқ фориғ бўлган Игорь Сергеев ўйинда 90 дақиқа ҳаракат қилди. Бироқ унга БАА чемпионати гол уриш ҳозиргача насиб қилаётгани йўқ. Кўринишидан, Сергеев келажаги ҳақида қайғуриб, ўзи чин маънода борини берадиган клуб топиши керак. 

Al-Jazira Yaser Al Juneibi - 73', Romarinho - 75', Ali Ahmed Mabkhout - 83'

Arabian Gulf League . Round 15 03/02/2018, 20:00 1 : 3 Finished

Al-Dhafra Saeed Al Kathiri - 85'

45'

90'

45'  Ali Ahmed Mabkhout

56'  Khalifa Al Hammadi (Harib Al Saadi)

73'  Yaser Al Juneibi

75'  Romarinho

77'  Ahmed Al Hashmi (Zayed Alameri)

81'  Mohamed Al Attas (Mohammed Ali Ayed)

83'  Ali Ahmed Mabkhout

87'  Mbark Boussoufa

65'  Ailton (Abdullah Alseiari)

66'  Khalid Butti

77'  Yaser Al Juneibi (Saeed Al Kathiri)

85'  Saeed Al Kathiri

85'  Fernando Viana (Ali Ibrahim)

85'  Abdullah Alseiari

Open in Match Center

Азиз Ҳайдаров жамоадошлари учун айниқса 15-тур оғир келди ва улар мавсумдаги энг йирик мағлубиятини қабул қилиб олди. Юлдузларга тўла “Ал-Айн”га қарши ўйинда “Ажман” футболчилари жавобсиз 7 та гол ўтказиб юборди.

Al-Ain Hussein El Shahat - 8', Marcus Berg - 14', Hussein El Shahat - 25', Caio - 30', Rayan Yaslam Al Jaberi - 51', Ahmed Khalil - 77', Hussein El Shahat - 82'

Arabian Gulf League . Round 15 03/02/2018, 17:20 0 : 7 Finished

Ajman

45'

90'

8'  Hussein El Shahat

8'  Caio

14'  Marcus Berg

14'  Caio

25'  Hussein El Shahat

25'  Rayan Yaslam Al Jaberi

30'  Caio

46'  Bandar Al Ahbabi (Mohammed Ahmad)

51'  Rayan Yaslam Al Jaberi

51'  Hussein El Shahat

65'  Ahmed Barman (Ahmed Khalil)

73'  Caio (Ibrahim Diaky)

77'  Ahmed Khalil

77'  Hussein El Shahat

82'  Hussein El Shahat

82'  Ibrahim Diaky

85'  Mohammed Abdulrahman

28'  Mohammed Hilal Khalifa (Mohammad bin Yousuf Bin Yousuf)

59'  Mohammad bin Yousuf Bin Yousuf

74'  Hassan Zahran

82'  Mohammad Yaqoob Abass (Saoud Saeed)

86'  Pereira de Mello Adeilson (Rashid Malullah)

Open in Match Center

“Рақиб тезкор гол урди ва ўйиннинг боришини ўзгартириб юборди. Бир нарса дейиш қийин, чунки футболчилар ўта жиддий хатоларга йўл қўйди ҳам деб бўлмайди. “Ал-Айн” сафида индивидуал маҳорати эвазига ўйин тақдирини ҳал қила оладиган футболчилар кўп эди. Бизга қарши ўйинда уларнинг барчаси юқори савияда тўп суришга эришди, яъни, ўйини чиқди ҳаммасини. “Ал-Айн” шу вақтгача 15 та имкониятдан 2—3 та гол уриб келган бўлса, бизга қарши ўйинда 10 та имкониятдан 7 марта фойдаланди”, — деди Ҳайдаров.

Биз биламизки, араб жамоалари муваффақиятсизликка асосан легионер футболчиларни айбдор сифатида кўрсатади. Дебютант “Ажман” сафида Ҳайдаровдан ташқари 3 нафар бразилиялик ва бир нафардан Мали ҳамда Буркина-Фасодан футболчилар бор. “Аш-Шабаб”дан олиб келинган Ҳайдаровнинг нафақат “Ажман” сафида, балки бутун Амирлик чемпионатида обрўси баланд экани кўпчиликка маълум. У бежизга 7 йилдан буён мунтазам асосий таркиб футболчиси бўлиб келмаяпти. Арабларнинг “Ҳайдарўўв” деб, уни ҳурмат билан тилга олишларини Амирликлардаги қолган ўзбекистонликлар ҳам кўп бор тасдиқлайди.

“Ўйинда ҳеч қандай хатога йўл қўйганим йўқ, 3 та голли пас бердим деб ўйлагандим, аммо жамоадошларим ура олишмади. Шу жамоа сафида эканманми, демак, барчамиз бирдек айбдормиз. Ўйин тугаганидан кейин бир жойда туриб қолдим. “Ал-Айн”да дўстларим кўп, улар келиб ўраб олишди, кайфиятимни кўтармоқчи бўлишди. Аммо 7 та гол фарқи бу барибир оғир. Ечиниш хонасига клуб раҳбарияти кириб келиб, қолган футболчилар олдида менинг кайфиятимни кўтаришга уринишди, айбим йўқлигини, бугун бор кучим билан ўйнаганимни тан олиб чиқиб кетишди.

Биласизми, “Ал-Айн” БААнинг йирик жамоаси, “Ажман” эса тескариси. Кечаги ўйинда мана шу фарқ яққол кўриниб қолди. “Ал-Айн” стадионида ўзингиз соғинган катта футбол ҳавосини ҳис қиласиз ва 100 эмас, 200 фоиз куч билан ўйнамоқчи бўласиз. Бир тарафдан алам қилди, 5 та гол фарқи билан ютқазиб турибмиз, югуриб юрибман прессинг қиламан деб, аммо шу куни руҳан енгилиб қўйди жамоа. Футболчиларни танимай қолдим, бақирдим, яхши гапирдим, бош эгмасликка ундамоқчи бўлдим. Ўйиндан аввал маҳаллий ОАВ “Ал-Айн”ни роса қиздирганди, “Ажман” бугун очко олади, улар сюрприз тайёрлаган ва ҳоказо қабилидаги гаплар ҳамма жойни босиб кетди. Бу нарса “Ажман”га акс таъсир кўрсатди, “Ал-Айн” футболчилари эса аксинча, ўзларини кўрсатиб қўйиш учун ҳам югуришди”,  деб айтиб ўтди Ҳайдаров биз билан суҳбатда.

Ўзбекистонлик футболчининг ёши ўтиб боряпти. У келажакда “Ал-Айн” каби йирик клубда тўп сурадими ёки фаолиятида кескин ўзгаришга қўл урадими, маълум эмас. Аммо уни Амирликларда ҳурмат қилишади, футболкасини тинимсиз сўрашади, чемпионатда узоқроқ қолишини исташади. Ҳайдаров ўз йўлини танлаб бўлган ва ўша йўлда оғишмасликка ҳаракат қилаётган футболчи. “Ажман” эса лигада жон сақлаб қолса, дўпписини осмонга отадиган клуб. Муҳими, қандайдир мағлубият ёки муваффақиятсизликлардан кейин Ҳайдаров бармоқ учида кўрсатилмайди. Легионерлар орасида у мана шундай даражага чиқиб улгурган.

Championat.asia статистикаси