Легионерлар. Шукуров ва Ғаниев жамоаларида мағлубиятлар

Мезбонлар сафида Эмре Акбада дублга эришган бўлса, фотиҳликлардан Фабио Борини рақиб дарвозасини ишғол этди. Ўйинни асосий таркибда бошлаган Отабек Шукуров 75-дақиқада захирага олинди ва унинг ўрнини 20 ёшли хавбек Самед Онур эгаллади.

Андреа Пирло шогирдлари ҳозирда чемпионат жадвалида 13 очко билан 19 иштирокчи ичида 17-ўринда бормоқда. Жамоа кейинги учрашувини 28 декабрь (20:00) куни “Трабзонспор”га қарши ўтказади.

БАА чемпионати 12-турида “Шабаб Ал Аҳли” ўз майдонида “Банияс”ни қабул қилиб, 1:2 натижаси билан имкониятни бой берди.

Баҳсда ҳисобни мезбонлар ҳимоячиси Волид Аббос очган бўлишига қарамай, рақиблар вазиятни ўнглади ва аргентиналик Гастон Алварес ҳамда Сухайл Ал Нообининг голлари эвазига ғалабани илиб кетди. Дубайликлар сафида Азизжон Ғаниев учрашувни тўлиқ ўтказди.

“Шабаб Ал Аҳли” ҳозирда мусобақа жадвалида 25 очко билан 2-ўринда бормоқда. “Шаржа” эса 1 очко фарқ билан пешқадамлик қилмоқда. Ғаниев ўйнаётган жамоа кейинги турни 23 январ (18:15) куни “Ажман”га қарши ўтказади.