Ла Лига. "Реал Мадрид" "Севилья" устидан иродали ғалабага эришди

"Реал Мадрид" – "Севилья" 2:1
"Сантьяго Бернабеу" стадиони
Голлар: 0:1 – 12 Рафа Мир, 1:1 – 32 Бензема, 2:1 – 87 Винисиус Жуниор.

"Реал Мадрид" – Куртуа, Карвахаль (Васкес, 90), Алаба, Милитао, Менди, Модрич (Камавинга, 73), Кроос, Каземиро, Бензема, Асенсио (Вальверде, 73), Винисиус Жуниор (Начо, 90).

"Севилья" – Буну, Монтьель (Мунир, 90), Диего Карлос, Кунде, Акунья, Ракитич (Дилэйни, 71), Фернандо, Жордан (Оскар Родригес, 82), Гомес (Оливер Торрес, 81), Окампос (Идрисси, 90), Рафа Мир.

Огоҳлантиришлар: Акунья (34), Монтьель (55), Кроос (61), Карвахаль (69), Окампос (84), Каземиро (90).

Real Madrid Karim Benzema - 32', Vinicius Junior - 87'

LaLiga . Round 15 29/11/2021, 01:00 1 : 2 Finished

Sevilla Rafa Mir - 12'

Stadium: Estadio Santiago Bernabeu, 45281 spectators

Referee: Jose Sanchez

45'

90'

32'  Karim Benzema

61'  Toni Kroos

69'  Daniel Carvajal

73'  Marco Asensio (Federico Valverde)

73'  Luka Modric (Eduardo Camavinga)

87'  Vinicius Junior

87'  Eder Militao

90'  Casemiro

90'  Vinicius Junior (Nacho Fernandez)

90'  Daniel Carvajal (Lucas Vazquez)

12'  Rafa Mir

12'  Marcos Acuna

34'  Marcos Acuna

55'  Gonzalo Montiel

71'  Ivan Rakitic (Thomas Delaney)

81'  Alejandro Gomez (Oliver Torres)

82'  Joan Jordan (Oscar Rodriguez)

84'  Lucas Ocampos

90'  Gonzalo Montiel (Munir El Haddadi)

90'  Lucas Ocampos (Oussama Idrissi)

Open in Match Center

Ла Лига мусобақа жадвали ва тўпурарлар рўйхати билан танишинг

Ушбу саҳифада учрашувнинг матнли трансляциясини кузатиб боришингиз мумкин бўлди. 

ЯНГИЛАШ

Тибо Куртуа эркин зарба билан тўпни ўйинга киртди ва ҳакам финал ҳуштагини чалди! "Реал" иродали ғалабага эришди. 

90+4-дақиқа. Ўзгариш! Дани Карвахаль ўрнига Лукас Васкес майдонга туширилди.

90+4-дақиқа. Куртуааа жамоасини муқаррар голдан қутқариб қолмоқда.

90+2-дақиқа. Ўзгариш! Винисиус майдонни тарк этади, унинг ўрнига Начо ўйинга қўшилди.  

90-дақиқа. Иккинчи бўлимнинг асосий вақтига 4 дақиқа қўшиб берилди.  

Энди "Севилья" олдинга боришдан бошқа чораси йўқ. 

87-дақиқа. ГОООООЛ! Қандай зарба, Винисиусдан чинакам шедевр.   

84-дақиқа. Огоҳлантириш! Ферлан Мендидан тўпни олиб қўйиш чоғида қўли билан ўйнагани учун Лукас Окампос огоҳлантирилди. 

84-дақиқа. "Севилья" ҳужумга чиқиб кета олмади.  

82-дақиқа. Окампос Винисиусга нисбатан фол ишлатди. Жарима зарбасини Тони Кроос амалга оширади.   

80-дақиқа. Рафа Мир ҳозир атайин ортдан Милитаонинг оёғига зарба бергани гувоҳи бўлдик. Бироқ бу ҳаракат ҳакам эътиборидан четда қолди.   

77-дақиқа. Мезбонлар рақибни кучли прессинг остида қолдиришмоқда.  

75-дақиқа. Ўйин тезлигини оширган "Реал" устунликни қўлга олаётгандек.  

73-дақиқа. Ўзгаришлар! Марко Асенсио ва Лука Модрич ўрнига Федерико Вальверде ҳамда Эдуардо Камавинга ўйинга қўшилди.  

Карло Анчелотти ўйин боришига таъсир ўтказиш мақсадида ўзгаришлар тайёрламоқда. 

71-дақиқа. Ўзгариш! Иван Ракитич ўрнини Томас Дилейнига бўшатиб берди.  

70-дақиқа. Тўпни "Севилья" футболчиси ўйинга киритди лекин қарши ҳужумга Бензема ва Винисиус қочиб кетди. Бразилиялик майдон марказидан тўп билан рақиб жарима майдончасигача етиб келдию, зарбаси кўнгилдагидек чиқмади.  

69-дақиқа. Огоҳлантириш! Навбатдаги қўполликдан кейин Карвахалга сариқ карточка кўрсатилди. Хавфли жарима зарбаси.   

66-дақиқа. Ҳимояга ёрдамга қайтган Бензема тўпни майдондан чиқариб юборди.  

64-дақиқа. Ўйин темпи бироз тушди ва асосан майдон марказига яқин ҳудудда бормоқда.  

61-дақиқа. Огоҳлантириш! Ҳозиргина ўзига нисбатан қўполлик учун ҳакам рақибига сариқ кўрсатмаганидан ранжиган Тони энди кескин ҳаракат қилди ва ўша сариқни ишлаб олди. 

59-дақиқа. Жордан марказда Тони Кроосга нисбатан ўта кескин ҳаракат қилди.  

58-дақиқа. Карвахаль тўп ўрнига Гомеснинг оёғига зарба берди.  

55-дақиқа. Огоҳлантириш! Монтиель тўпни қўйотгач Винисиусни қучоқлаб олиб, қўйиб юбормагани учун сариқ карточка ишлаб олди.   

52-дақиқа. Модрич тўпни аниқ етказиб берганига қарамай, Карвахаль қанотда рақибини алдай олмади ва тўпни йўқотди.  

50-дақиқа. Жордан узоқ масофадан зарба йўллади, бироқ тўп анча юқорилаб майдонни тарк этди.  

49-дақиқа. Винисиус яна техникасини намойиш қилди ва бир рақибни алдаб ўтиш унга қийин иш эмаслигини исботлаб қўйди.    

48-дақиқа. Алехандро Гомес чапроқдан жарима майдонига бироз яқинлашиб зарба йўллади, Тибо осонлик билан тўпни ушлаб олди. 

46-дақиқа. Иккинчи бўлим бошланди!

Жамоалар майдонга қайтишмоқда. 

45+3-дақиқа. "Реал"нинг бўлимдаги охирги ҳужуми Каземиро тўпни олдириб қўйиши оқибатида охирига етмай қолди. Шу паллада ҳакамнинг ҳуштаги янгради ва жамоалар танаффусга йўл олишди. Фурсатдан фойдаланиб биз ҳам бироз дам оламиз.    

45+2-дақиқа. Ўнг қанотдан узатилган тўпни Окампос дарвозага жойлаб қўйишига Куртуа йўл қўймади. 

45-дақиқа. Биринчи бўлимга 3 дақиқа қўшиб берилди.  

43-дақиқа. Ҳимояга яқин ҳудудда тўпга эга чиққан Давид Алаба тезлигини ошириб, ҳужумга ўтди ва хавфли вазият юзага келиши мумкин эди, бироқ айнан австриялик ҳимоячининг узатмадаги хатоси сабаб ҳужум узилиб қолди.   

41-дақиқа. Рафа Мир ҳужумда Кроосга нисбатан фол ишлатди.  

40-дақиқа. Лукас Окампос қанчалик уринмасин, ерга бир сапчиб, ҳавога кўтарилган тўпга ета олмади.  

36-дақиқа. Карим Бензема зарба берди, лекин ҳимоячи тўп йўлига тўғаноқ бўлди. 

33-дақиқа. Огоҳлантириш! Маркос Акунья тўп учун курашда Карвахалга нисбатан қўпол ўйнади. 

33-дақиқа. ГОООООООЛ! Ҳисоб тенглашди. Эдер Милитао кутилмаганда узоқ масофадан кучли ва муҳими аниқ зарба йўллаб қолди, Буну қайтарган тўп устунга тегиб қайтди ва Бензема ҳаммадан чаққонроқ чиқди.   

30-дақиқа. Хавфли вазият! Лукас Окампосдан ажойиб зарба, Куртуа ҳам бу вазиятда иложсиз қолганди, лекин тўп дарвоза тўсинига тегиб майдонга қайтди.  

27-дақиқа. Узоқ давом этган комбинацияни Винисиус зарба билан якунлади, аммо Буну ҳам ўз ўрнида ва тўпни эгаллаб олди.  

24-дақиқа. Тони Кроос жарима майдончасига кирмай, зарба беришга қарор қилди - ноаниқ. 

23-дақиқа. Жарима майдончасига йўлланган тўп бир йўла майдондан чиқиб кетиб қолди. 

22-дақиқа. Тўпга ета олмаган Давид Алаба қанотда Окампосга нисбатан қўпол ўйнади. Стандарт вазият! 

21-дақиқа. Тўп яна олдинги чизиқдаги Рафа Мирга йўлланганди, лекин ҳужумчи ўйиндан ташқари ҳолатдалиги қайд этилди.  

20-дақиқа. "Севилья" футболчилари рақиб прессингидан зўр чиқиб кетаётганини алоҳида таъкидлаш лозим.   

18-дақиқа. Карлос Каземиро қоидани бузди деб топилди, лекин футболчининг ўзи бу қарордан норози. У рақибига эътироз билдирмоқда.  

16-дақиқа. Давид Алаба узоқ масофадан зарба бериб, омадини синаб кўрди.   

14-дақиқа. Хавфли вазият! Босим остида қолган Карвахаль қўпол хатога йўл қўйди ва Рафа Мирнинг уринишидан кейин Куртуадан ҳам ўтган тўпни Милитао қайтариб қолди. Акс ҳолда ҳисоб 0:2 кўринишига келиши мумкин эди. 

12-дақиқа. ГООООООЛ! Меҳмонлар кетма-кет икки бор бурчак зарбасини амалга оширишди. Айнан иккинчи бор бурчакдан узатилган тўпга Рафа Мир бош билан зарба бериб, ўйинда ҳисобни очмоқда.  

10-дақиқа. "Севилья" футболчилари тўп учун охиригача курашишди ва ниятларига етишди. Тўп Каземиродан майдонни тарк этди.  

8-дақиқа. Тезкор ҳужумни Карвахаль ўз қанотидан қўллаб-қувватлади, бироқ унинг узатмасидан кейин жарима майдончаси деярли марказида пайдо бўлган Винисиуснинг зарбаси қовушмади.  

5-дақиқа. Меҳмонлар ҳужумчиси Рафа Мир ўнг қанотдан олдинга ўтиб борди ва тўпни жарима майдончасига узатганди, аммо Милитао осонлик билан уни қайтарди. 

4-дақиқа. "Реал" фаоллашди ва узоқ вақт рақиб жарима майдончасига яқин ҳудудда тўп билан муомалада бўлди. 

2-дақиқа. Винисиус қанотда тезлик олиб, икки рақибини ортда қолдириб кетганди, олдидан Кунде чиқиб тўпни олиб қўйди.  

"Севилья"нинг дастлабки уриниш омадсиз чиқди. 

1-дақиқа. Ўйин бошланди! Уни меҳмонлар бошлаб беришди. 

Асосий таркиб вакиллари майдонга тушиб келишмоқда.