Ла Лига. "Реал" "Бетис"ни енгиб, пешқадам бўлиб олди
03 sep 2022 21:11
News
![](https://championat.asia/upload/storage/715416_original.jpg)
![](/upload/storage/715416_220.jpg)
Ла Лига. "Реал" "Бетис"ни енгиб, пешқадам бўлиб олди
Real Madrid Vinicius Junior - 9', Rodrygo - 65' |
LaLiga . Round 4 03/09/2022, 19:15 1
:
2
Finished
|
Real Betis Sergio Canales - 17' |
Stadium: Estadio Santiago Bernabeu, 58579 spectators
Referee: Jose Sanchez
Реал Мадрид – Бетис 2:1
19.15, «Сантьяго Бернабеу»
Гол: Винисиус Жуноир 9', Родриго 65' – Каналес 17'
Реал Мадрид – Куртуа, Карвахаль (Рюдигер, 90+1), Милитао, Алаба, Менди, Чуамени, Модрич (Кроос, 89), Камавинга (Вальверде, 63), Винисиус Жуниор, Родриго (Себальос, 89), Бензема
Бетис – Руй Силва, Сабали (Руибаль, 71), Эдгар Гонсалес, Луис Фелипе, Морено, Гуардадо (Жозе Виллиан, 71), Каналес, Родригес, Хуанми (Хоакин, 71), Фекир (Луис Энрике, 11), Иглесиас
Огоҳлантириш: Эдгар Гонсалес (25)
МАТНЛИ ТРАНСЛЯЦИЯ
Баҳс якунланди! "Реал" ғалабага эришди ва турнир жадвали пешқадамига айланди.
90+1. "Реал"да ўзгариш: Карвахаль ўрнига Рюдигер ўйинни тугатиб қўяди.
90. Иккинчи таймга 5 дақиқа қўшилди.
90. Баҳсни томоша қилиш учун 58 579 томошабин келгани айтилмоқда.
89. Крооснинг бурчак зарбасидан оширган тўпини мудофаа чизиғи вакиллари узоқлаштиришди.
88. Карим Бензема тўпни ичкарига узатиб берди, ҳимоячилар тўпни майдон ташқарисига чиқариб юборишди, бурчак зарбаси.
85. Зарба! Чуамени олис масофадан олис трибунани нишонга олди.
82. Федерико Вальверде тўпни қабул қилиб, зарба иэро қилди, аммо ҳимоячилар зарбани "блоклашди".
79. "Реал"да 2 та ўзгариш: Модрич ўрнига Кроос, Родриго ўрнига Себальос баҳсни давом эттиради.
77. Футболчилар сув ичиб олишлари учун шароит яратилмоқда.
75. Тўпга эгалик қилиш бўйича статистика: 49% – 51%.
71. "Бетис"да 3 та алмаштириш: Сабали ўрнига Руибаль, Гуардадо ўрнига Жозе Виллиан, Хуанми ўрнига Хоакин майдонга тушди.
70. Зарбаааа! "Реал"нинг кескин ҳужуми Модричнинг айланма зарбаси орқали якун топди, озгина аниқлик етишмади.
68. "Реал Мадрид" қисқа пас орқали ўйин ташкил қилмоқда.
65. ГООООООООООООЛ! Карвахаль – Вальверде – Родриго комбинациясидан сўнг бразилиялик ҳужумчи "Реал"ни ҳисобда олдинга олиб чиқди – 2:1!
63. "Реал"да алмаштириш: Камавинга ўрнига Вальверде ўйинга қўшилди.
62. Серхио Каналеснинг бурчакдан узатган тўпига ҳимоячилар биринчи бўлиб эга чиқишди ва тўпни дарвоза яқинидан узоқлаштиришди.
61. Зарба! Родригонинг зарбасига озгина аниқлик етишмади.
59. Борха Иглесиас Орельен Чуаменига нисбатан қоидани бузди.
59. Андрес Гуардадо шифокорлар ёрдамига муҳтожлик сезмоқда. У олдинги вазиятда жароҳат олган бўлиши мумкин.
57. Зарба! Бенземанинг жаримадан йўллаган зарбаси анча ноаниқ кўриниш олди.
56. Родриго жарима майдони чизиғи олдида йиқитилди, Винисиус Жуниор ҳужумни давом эттириб кетиб, Бенземага пас беришга уринди, аммо Карим тўпни тўхтата олмади. Вазият якунлангач, ҳакам кечиктирилган фоль қайд этди.
54. Зарбааа! Лука Модрич яхши ҳолатга чиқиб бориб, чап юқори бурчакни кўзлади, аммо Руй Силва зарбани тўсиб, уни ранжитди.
52. Карим Бенземанинг олдинга узатган тўпи Андреас Гуардадо томонидан тўхтатиб қолинди.
48. Зарбааа! Бенземанинг зарбасини Руй Силва тўсди, бироқ ҳужумчи офсайдда қолган экан, кейинроқ ҳакам ҳуштагини чалди.
46.Иккинчи тайм бошланди!
Биринчи тайм тугади. Ҳозирча ҳисоб тенг – 1:1. Танаффус!
45+2. Уууух! Бензема Модричга пас берди. Хорватиялик хавбекнинг зарба йўллади, бироқ зарба йўлига ҳимоячилар ғов бўлишди.
45. Биринчи таймга 3 дақиқа қўшиб берилди.
43. Зарба! Винисиус Жуниорнинг олисдан берган кучли зарбаси йўлига ҳимоячи тўғаноқ бўлди.
41. Серхио Каналеснинг узатмасини шериги Борха Иглесиас қабул қилишда қийналди, чунки узатма жуда омадсиз амалга оширилганди.
39. Винисиус Жуниорнинг кроссини ҳимоячилар бартараф этишди. "Реал" бурчак зарбаси тепиш ҳуқуқига эга чиқди.
37. Гвидо Родригес Камавингага нисбатана қўполлик ишлатишга мажбур бўлди.
34. Винисиус Жуниорнинг пасини дарвозабон Руй Силва қўлга киритди.
27. Лука Модричнинг ичкарига узатган тўпи рақиблар томонидан бартараф қилинди.
25. Эдгар Гонсалес Карвахалга нисбатан жуда қўпол ўйнади ва сариқ карточка олди.
24. Зарбаааа! Винисиус Жуниорнинг пасидан кейин Бензема яқин масофадан ноаниқ зарба йўллади.
21. Лука Модричнинг бурчак зарбасидан ошириб берган тўпига жамоадошлари етиб кела олишмади.
20. Зарбааа! Чуаменининг бош билан берган зарбасини Руй Силва қайтарди! Қойилмақом сейв!
19. Уууух! Родриго яқин масофадан дарвозага йўл топа олмади!
17. ГООООООООООООЛ! "Реал" собиқ футболчиси Серхио Каналес Куртуани ерлатиб йўллаган зарбаси орқали Куртуани ожиз қолдирди – 1:1!
15. Гвидо Родригес прессинг пайтида қоидани бузди.
12. Камавинга Сабалига нисбатан қоидани бузди.
11. "Бетис"да мажбурий ўзгариш: жароҳатланган Фекир ўрнига Луис Энрике тушди.
9. ГООООООООООООЛ! Винисиус Жуниор тўпни дарвозабоннинг устидан ошириб қўйиб, ҳисобни очди – 1:0! Алабадан идеал пас бўлди. Браво!
7. Эдуарду Камавинга яхши пас узатганди, аммо ҳимоячилар тўсқинлик қилишди.
5. Лука Модрич қалтис узатмани амалга оширишига бир баҳя қолди, бироқ ҳимоячилар Винисиус томон келган тўпни тўхтатишга эришишди.
3. Алекс Морено чап қанотдан ҳужумга ўтиб, ҳаводан келган тўпни қабул қилишда қийинчиликка дуч келди.
1. Ўйин бошланди!
"Реал" футболчилари Чемпионлар Лигаси соврини ва Европа Суперкубогини намойиш қилишди
Similar news
![AMP Logo](https://championat.asia/image/logo-amp.png)
Comments