Ла Лига номи ва логотипи ўзгарди
05 jun 2023 18:33
News

Ла Лига номи ва логотипи ўзгарди

Видео-ўйинлар гиганти "EA Sports" 2023/2024-йилги мавсумдан бошлаб Испания чемпионати титул ҳомийсига айланди.

Компания Испания банки ҳисобланган "Santander"ни алиштиради. Банк ва лига ўртасидаги ҳамкорлик муддати якунига етди.

Испаниянинг "Marca" нашри хабар беришича, Electronic Arts билан шартнома 5 йилга мўлжалланган. Йиллик тўлов суммаси эса 30 млн еврони ташкил қилади. Шу ўринда қайд этиш керак, 2016 йилдан буён Ла Лига ҳомийси бўлиб келган "Santander" банки йилига 17 млн евродан тўлаб келган.

Янги мавсумда чемпионат номи "La Liga EA Sports"га ўзгаради ва мусобақа логоси ҳам бошқача дизайнда бўлади.