Ла Лига номи ва логотипи ўзгаради
24 apr 2023 12:50
News

Ла Лига номи ва логотипи ўзгаради

Видео-ўйинлар гиганти "EA Sports" 2023/2024-йилги мавсумдан бошлаб Испания чемпионати титул ҳомийсига айланади.

Компания Испания банки ҳисобланган "Santander"ни алиштиради. Банк ва лига ўртасидаги ҳамкорлик муддати якунига етмоқда.

Испаниянинг "Marca" нашри хабар беришича, Electronic Arts билан шартнома 5 йилга мўлжалланган бўлади. Йиллик тўлов суммаси эса 30 млн еврони ташкил қилади. Шу ўринда қайд этиш керак, 2016 йилдан буён Ла Лига ҳомийси бўлиб келган "Santander" банки 17 млн евродан тўлаб келган.

Янги мавсумда чемпионат номи "La Liga EA Sports"га ўзгаради ва мусобақа логоси ҳам бошқача дизайнда бўлади.