КХДР терма жамоаси ўйинолди расмий машғулотни ўтказди
09 jan 2015 13:37
News

КХДР терма жамоаси ўйинолди расмий машғулотни ўтказди

Олдиндан белгиланганидек маҳаллий вақт билан 18:45да эртанги рақибимиз КХДРнинг расмий машғулоти бошланди.

Бош мураббий Жо Тонг Соп бошчилигида ўтган машғулотнинг 15 дақиқасини кузатдик. Учта дарвозабон алоҳида дарвозабонлар мураббийи билан ишлади.

14-рақамли футболчи Кё Сон Хьёк индивидуал тарзда машғулот ўтказди.

Қолган 19 нафар футболчи тўлиқ куч билан ишлашди. 15 дақиқа ичида КХДР ўйинчилари асосан узун тўп узатишларга кўпроқ урғу қаратишди.

Шу тариқа Осиё Кубогидаги илк ўйиндан олдин бўлиб ўтган расмий тадбирлар якунланди. Эртага эса ўйин. Тошкентда соат 12:00да Сиднейда эса 18:00да Ўзбекистон ва КХДР терма жамоалари "Австралия" стадионида ўзаро тўқнаш келишади.

Нарзулла Сайдуллаев
Сидней шаҳридан

Link :

Source : championat.asia

Receive latest football news directly on your phone. Subscribe for our Telegram channel!

Rating: