Куртуа термага қайтмоқда!

Буни Бельгия термаси янги бош мураббийи Руди Гарсия маълум қилди.

"У қайтади. Бу бутун Бельгия учун яхши янгилик. Тибони энг яхши дарвозабон деб ҳисоблаганман.

Мадридга бордим. "Реал" - "Манчестер Сити" ўйини олдидан у билан кўришдим. Шунингдек, ўша куни Кевин де Брюйне ҳамда Жереми Доку билан ҳам учрашдим", - деди Гарсия.

Эслатиб ўтамиз, Тибо Куртуа Бельгия термаси собиқ устоўи Доменико Тедеско билан мунозарага борганидан кейин 2023 йил ёзидан бери термада ўйнагани йўқ. Германиялик мутахассис январь ойида терма бош мураббийлигини тарк этди.