Куман нега "Эвертон"дан ҳайдалгани ҳақида айтиб берди

54 ёшли мутахассис Ливерпуль клуби билан 2016 йилдан бери ишлаб келаётганди. Жорий мавсум "Эвертон" Куман қўл остида тўққиз турдан сўнг АПЛ турнир жадвалининг 18-ўрнини эгаллаб турибди.

"Мавсум бошида Оливье Жируни харид қилмоқчи эдим ва бунга жуда яқин келдик, аммо сўнгги онларда у "Арсенал"га қолишга қарор қилди. Буни қабул қилиш қийин бўлди. Бундай ҳужумчини яна қаерда топиш мумкин? Лукаку фақат голлари учунгина жамоамизнинг асосий футболчиларидан бири бўлмаган. Агар ўйинимиз ўхшамаса, доимо унга узун паслар узатиш тактикасидан фойдаланганмиз. Мана шундай футболчидан қуруқ қолдик.

Чемпионат тақвимини олганимда таътилда эдим. Биринчи тўққиз учрашувимиздан 5таси кучли олтилик жамоалари "Челси", "Тоттенхэм", "Манчестер Сити", "Манчестер Юнайтед" ва "Арсенал"га қарши эканлигини кўрдим. Бу осон бўлмаслигини билардим. Аммо Лукаку кетиши бизга жиддий таъсир қилди" - дейди Куман.