Кулусевски Испания устидан қозонилган ғалаба ҳақида: "Бизда кучли жамоа шаклланган"

Кулусевски Испанияга қарши ўйинда йирик ҳисобда ғалаба қозониши мумкинлигини айтди.

"Ростини айтсам, биз ўйлагандан кўра кучлироқмиз. Биз йирик ҳисобда ғалаба қозонишимиз мумкин эди.

Натижамиздан фахрланаман. Бизда ҳақиқатан ҳам кучли жамоа шаклланган. Бу ғалаба ҳаётимдаги энг яхши муваффақиятларидан биридир", — деди Кулусевски.

Эслатиб ўтамиз, Испания терма жамоаси тўртта ўйиндан сўнг гуруҳда 7 очко тўплаган ҳолда иккинчи ўринда бормоқда. Учта ўйин ўтказган шведлар эса 9 очко билан гуруҳда пешқадамлик қилмоқда.

Луис Энрике шогирдлари кейинги ўйинини 5 сентябрь, якшанба куни Грузия терма жамоасига қарши ўтказади. Швеция терма жамоаси эса 8 сентябрь, чоршанба куни Греция терма жамоасига қарши майдонга тушади.