Кучлилар аниқланмоқда

1998-99 йилларда туғилган футболчилардан ташкил топган саккиз жамоа икки гуруҳга бўлинган ҳолда баҳсларга киришишди.  “А”гуруҳида илк учрашувда “Насаф” футбол мактабининг 1999 йилда  туғилган тарбияланувчиларидан ташкил топган “Аланган” жамоаси “Олмалиқ” футболчиларини 5:3 ҳисобида мағлуб этган бўлса, “Бухоро” – “Бунёдкор” жамоалари учрашувида тошкентлик футболчиларнинг қўллари баланд келди – 1:3. 

“В” гуруҳидан ўрин олган “Нефтчи” ва “Пахтакор” жамоалари тўқнашуви анча шиддатли кўриниш олди. Учрашув давомида ёш “пахтакор”чилар бир эмас, икки марта 11 метрлик жарима зарбаларини голга айлантира олмаган бўлишса, ўйин сўнггида фарғоналик ёшлар пойтахтлик футболчилар дарвозасини ишғол этиб, ғалабани илиб кетишди. “Нефтчи”- “Пахтакор” 1:0.  Майдон эгалари “Насаф” футбол мактаби жамоаси эса гуруҳдаги илк рақиби “Навбаҳор” футболчиларига ҳеч қандай имконият қолдиришмади – 5:1.

Жамоамизга ғалаба келтирган голларга Жаҳонгир Қурбонбоев, Илҳом Алижонов, Даврон Тўраев ва Ислом Кенжабоев (2 та) муаллифлик қилишди.  5 ноябрь куни гуруҳларда иккинчи тур беллашувлари ўтказилади.  “А” гуруҳи  Соат 10:00  “Бухоро” – “Аланга” Соат 10:00  “Бунёдкор” – “Олмалиқ”  “В” гуруҳи.  Соат 12:30.  “Нефтчи” – “Насаф” Соат 12:30  “Пахтакор” – “Навбаҳор”  Барча учрашувлар”Насаф” футбол мактабига қарашли сунъий ва табиий қопламали футбол майдонларида ўтказилмоқда. 

Мусобақанинг илк кунидан олинган фотосуратларни қуйидаги манзилда томоша қилишингиз мумкин: фотогалерея