Latest news

13:03Бугун ЕЧЛга қуръа ташланади. Олма-отага кимлар келади?  2 12:43Конференциялар лигаси саралаши. Бугун Файзуллаев ва Шомуродов жамоаси жавоб учрашувида майдонга чиқади  3 11:34Эшитдик-да! Тимур Кападзе "Пахтакор" бош мураббийи бўлиши мумкин  48 10:48ПСЖ ва "Ювентус" ўзаро келишувга эришди  0 10:23"Челси" 24 йиллик анаънадан воз кечади  6 09:56Икич Фране: "Жамоамиз бу ўйинда ғалаба қозонишга ҳақли эди"  2 09:27Германия терма жамоасининг сентябрдаги ўйинлар учун чақирилган футболчилари маълум  4 08:54МЮ Брунуни сотишга тайёр. Унга нарх қўйилди  8 08:27"Бухоро" "Бунёдкор"ни мағлуб этиб, тарихда илк бор ярим финалга чиққан учрашувдан ФОТОГАЛЕРЕЯ  9 08:00Жароҳатдан қайтган Месси жамоасини Лига кубоги финалига олиб чиқди  10 07:50Германия Кубоги. "Бавария" меҳмонда 3-лига жамоасини мағлуб этди  1 07:31Аморим кечаги мағлубиятга изоҳ берди  8 02:42Англия кубоги. "Манчестер Юнайтед" 1/32 финалда 4-лига жамоасига мағлуб бўлиб, турнирни тарк этди  13 02:22EЧЛнинг барча 36 иштирокчиси маълум: "Барселона" ва "Реал" 1-саватда, "Арсенал" ва "Ювентус" 2-саватда, "Тоттенхэм" ва "Наполи" 3-саватда, "Монако" ва "Қайрат" 4-саватда  17 00:18"Ал Ҳилол" А Сериядаги футболчи учун 35 млн евро таклиф қилди, аммо...  0

Кубок олдидан Ислом Аҳмедов қандай фикрда? News

Кубок олдидан Ислом Аҳмедов қандай фикрда?

Хабарингиз бўлса керак, бугун Ўзбекистон Кубогининг ярим финалининг жавоб ўйинлари бўлиб ўтади.
"Пахтакор" - "Локомотив" ва "Насаф" - "Бунёдкор" баҳслари олдидан ҳар ким турли хил фикрларни илгари сурмоқда.

Аслида финалга чиқиш учун кимда қандай имконият бор? Бўлажак ўйинлар олдидан таниқли мутахассисларни безовта қилдик. Навбатдаги суҳбатдошимиз ОФК инструктори Ислом Аҳмедовдир.  

"Насаф" - "Бунёдкор"
Бунёдкорда ўзгаришлар катта. Тўғри, футблолчилар ўша-ўша, лекин бош мураббий ўзгаргач, ўйин услубдаги ҳам янгиликлар кузатилмоқда. Сергей Лушан замонавий мураббийлар тоифасига киради. У Бунёдкорга янгича мўйин услубни олиб кирмоқчи бўлмоқда. Бугунги ўйинга келадиган бўлсак, меҳмонлар нисбатан ёшроқ таркибга эга. "Насаф" эса охирги икки йилдан буён асосан бир хил таркиб билан ўйнаб келмоқда. Қолаверса аждарлар бугун ўз мухлислари қаршисида ўйнайди. Лекин амалдаги Кубок соҳиби "Бунёдкор" эканлигини ҳам унутмаслик керак. "Насаф" эса айнан ушбу Кубок орқали кейинги йил халқаро мусобақада иштирок этиш илинжида. Хулласа финалга чиқиш учун ҳар иккала жамоада ҳам жуда яхши имконият бор. Шу боис бу борада 50х50 баҳолаган бўлардим.

"Пахтакор" - "Локомотив"
Бу ўйин жуда ҳам қизиқарли кечиши аниқ. Ҳар ҳолда мен шундай бўлишини кутяпман. Бугун ярим финал жавоб ўйини бўлгани учун ҳам руҳий босим катта бўлади. "Локомотив"нинг имконияти яхшироқ. Чунки унинг таркиби кучли. Қолаверса биринчи ўйинни ўз фойдасига ҳал эта олди. Бугун имкон қадар ўз дарвозасидан тўп ўтказиб юбормасликка эътибор қаратади. Вадим Абрамов бошқарувни ўз қўлига олгач, темирйўлчилар ўйинида ижобий ўзгаришлар кузатилмоқда. Йигитлар умуман бошқача ўйин услубда ҳаракат қилмоқда. "Локомотив" бу йил ўз олдига юқори мақсадларни қўйгани сир эмас. Улар бугун финалга йўл олиш учун бор кучини бериб ўйнайди. Мен сизга яна бир нарсани айтишим мумкинки, Вадим Абрамов кучли психолог мураббийдир. У ўз шогирдларини ўйинларга қандай тайёрлашни жуда яхши билади. Унинг энг катта ютуғи ҳам шунда бўлса керак.

"Пахтакор"га келадиган бўлсак, бу жамоанинг таркиби нисбатан ёш. Бундай учрашувларда ёш таркиб билан ўйнаш қийин бўлади. Албатта мезбонлар ҳам бугун осонликча таслим бўлишни истамайди.

Қизиқарли ўйин бўлади. Мазкур беллашувни стадионга бориб кузатаман. Қолганини учрашувдан сўнг билиб оламиз.   


Исломбек Рустамбеков суҳбатлашди. 
Rating:    

Comments

championat.asia
< show latest news
Яндекс.Метрика