Кристиан Гросс: “Бу ерга ғалаба учун келдик"
23 apr 2017 13:33
News

Кристиан Гросс: “Бу ерга ғалаба учун келдик"

ОЧЛ 5-тури доирасидаги "Бунёдкор" - "Ал Аҳли" (Саудия Арабистони) ўртасидаги ўйиндан олдинги матбуот анжуманида меҳмонлар устози Кристиан Гросс ўз фикрларини билдирди.

Эртанги ўйин биз учун жуда муҳим. Гуруҳ босқичи якунига етмоқда. Рақиб гуруҳда қолиб кетган бўлсада, жуда кучли жамоа ҳисобланади. Бу ерга ғалаба учун келдик, - дейди Кристиан Гросс.

- Миллий биринчилик якунланди. Жамоанинг навбатдаги мақсадлари қандай?

- Чемпионлар лигаси барча қитъаларда энг нуфузли турнир ҳисобланади. Жамоамиз мухлисларини хурсанд қилиш учун ушбу мусобақада узоқроққа боришга ҳаракат қиламиз.

- Миллий чемпионат ва Чемпионлар лигасидаги ўйинларда фарқ борми?

- Саудия Арабистони чемпионатида жамоалар деярли бир савияда. Чемпионлар лигасида эса рақиблар турлича ва ўйнаш ҳам қийин.

- "Бунёдкор" сафида алоҳида футболчини ажратиб кўрсата оласизми?

- Йўқ. Рақибимиз жамоавий ўйинда кучли.