Крис Коулмэн: "Муҳит фантастик даражада, ажойиб тажриба ва йирик турнирдаги омадли дебют"

- Бу биз учун ажойиб тажриба бўлди. Биз нима қилишни ва ўйиндан нимани кутишни билмасдик. Чунки биз учун йирик турнирдаги дастлабки ўйинимиз эди. Майдонга чиққанимизда стадиондаги фантастик муҳит кишини қувонтирди. Ишқибозларимиз бизни жуда қойилмақом тарзда қўллаб-қувватлашди.
Баъзан захирадан майдонга туширган футболчиларинг ўзини кўрсатади. Шундай пайтлар бўладики, сен амалга оширган ўзгаришлар ҳеч қандай наф бермайди. Робсон-Кану майдонга тушганидан сўнг Словакия ҳимоясига хавфни оширди. Уларни доимо катта босим остида ушлаб турди. Айнан Канунинг ҳаракатлари эвазига бизнинг ҳимоячилар янада олдинроққа жойлашишди ва ўйинни рақиб майдончаси олдига суриш насиб этди. Керакли паллада гол ура олдик. Унга қадар ҳам вазиятлар юзага келганди ва гол уришимиз мумкин эди. Умуман олганда, жамоам ажойиб футбол кўрсатди. Дебют муваффақиятли чиқди.