Latest news

14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  0 14:02Аргентина терма жамоасининг бўлажак ўйинлар учун таркиби маълум  0 13:33"Реал" афсонаси: "Олмаотага учиш Нью-Йоркка учишдек гап"  7 13:04"Фенербахче" Моуриньюни бош мураббий лавозимидан озод этди  6 12:52Туркманистон бош мураббийи Ровшан Мередов: "Бу савол менга эмас"  2 12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  15 11:56Тимур Кападзе Паулу Бенту ҳақида фикр билдирди  28 11:44Карлуш Кейруш: "Бир неча йил аввал Ўзбекистон футболи "уйқу"да эди"  24 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  12 10:53Довбик А Сериянинг бошқа жамоасига ўтишга яқин  5 10:28Хави Симонс фаолиятини АПЛда давом эттиради (Фабрицио Романо)  7 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1 08:56"Ньюкасл" Исакнинг ўрнига Германиядан ҳужумчи олиб келади  7

Коутиньо ва "Челси": ҳамкорликнинг иложи борми? News

Коутиньо ва "Челси": ҳамкорликнинг иложи борми?

Бразилиялик ярим ҳимоячи Лондон жамоаси таркибида ўйнаб кета оладими?

Охирги вақтларда Филиппе Коутиньонинг "Стэмфорд Бридж"га йўл олиши ҳақидаги миш-мишлар тобора кўпайиб бормоқда. Бу борада турли вариантлар айтилмоқда: "аристократлар" футболчи учун 80 миллион евро тўлаб сотиб олишлари, ёки ярим ҳимоячини сотиб олиш ҳуқуқи билан ижарага олишлари мумкин – шунга ўхшаш усулда "Реал"дан Матео Ковачич келганди. 

Яқин кунларда бу трансферга ишониш учун яна бир маълумот пайдо бўлди. Расмий эмас, у қадар ишончли бўлмасада, Нголо Канте "Барселона"га йўл олиши мумкинлиги, Коутиньо эса "кўклар" сафига бориб қўшилиши ҳақида хабар берди. Жуда қийин трансфер иши, ишониш бироз мушкул, аммо нега энди йўқ?! 

Айтишадику, шамол бўлмаса, дарахтнинг учи қимирламайди. "Бавария"га Ханс Флик келганидан сўнг бразилиялик асосий таркиб учун рақобатни Томас Мюллерга ютқазиб қўйди ва мюнхенликлар Коутни сотиб олиш ниятида эмаслардек.

Коронавирус оқибатлари туфайли трансфер ойнасида фаол жамоалар кўп бўлмаса керак. "Челси"ни Виллиан ва Педро тарк этса, ҳужумкор футболчи сотиб олиш эҳтимоли янада ошади. Коутиньо ҳам қанотда, ҳам марказда фойда келтириши мумкин. 

"Челси" яхши зарбага эга футболчини қўлга киритади. Тан олиш лозим, лондонликлар сафида узоқдан аниқ ва самарали зарба бера оладиган футболчи деярли йўқ. "Челси"да бу критерияга мос келадиган охирги футболчи айнан Фрэнк Лампард эди. Кимдир қаршилик билдириб, Виллианни айтар ва 2015/16-йилги мавсумни ёдга олар. Ўшанда бразилияликнинг деярли ҳар бир зарбаси самарали бўларди.

Умуман олганда барчаси оддий. Коутиньо – рақиб жарима майдони яқин жойида "ёпилиб олса", ёки учрашув режа бўйича кетмаса, Лампард учун янги вариант. Бразилиялик кутилмаган қарорлари ва узоқ масофадан берадиган зарбалари билан жамоасига фойда келтириши мумкин.

АПЛ тажрибаси. 2012 йилдан то 2018 йилгача Коутиньо Англия Премьер-лигасида тўп тепган. Дарров бўлмасада, бразилиялик Юрген Клопп "Ливерпулида" етакчилардан бирига айланди. Катта сумма эвазига ҳам "қизиллар" уни "Барселона"га унча истамайгина сотишганди. Коутиньо лигани яхши билади ва адаптацияга кўп вақт талаб қилинмайди. 27 ёшли футболчи учун бу катта устунлик: футболчи қачонлардир машҳурликка эришган чемпионатида яна ўз кучини кўрсатиб қўйиши мумкин.

Челси ҳужум чизиғини кучайтириши лозим. Бу мавсум, худди аввалгисидек "Челси" вазиятлар камлиги, яратилганларидан фойдаланиш ҳамда 2-3-голни уриб ўйинни "тугатиш" имкониятини қўлдан чиқарди. Ҳужум чизиғини тажрибали, АПЛ ҳавосини биладиган, шу билан бирга Примера, Бундеслига ва А Серияда ҳам ўйнашга улгурган футболчини қўлга киритади. Коутиньо 27 ёшда ва бор имкониятини кўрсатиб, аслида қанчалик зўр футболчи эканлигини исботлаши зарур.

Тажриба. Коутиньо жамоасига тажрибаси билан ҳам ас қотади. Айтганимиздек, у деярли барча кучли лигаларда ва Чемпионлар Лигасида ҳам тўп тепган. Агар "Челси"ни Виллиан ва Педро ҳам чиндан тарк этса, Филиппе ҳужум чизиғидаги энг тажрибали футболчига айланиши мумкин. Хаким Зийеш АПЛ даражасидаги чемпионатда ҳали ўйнамаган.

Майдонни кўра олиш қобилияти. Коутиньонинг ижобий жиҳатларидан бири, бу эса "Челси"га катта фойда беради. Матео Ковачич қанчалик яхши ўйнамасин, Жоржиньодан "таянч зонадаги плеймейкерга" айлантиришга уринишмасин, Сеск Фабрегас кетганидан кейин "Челси"да ўша даражадаги пас бера оладиган футболчи йўқ. Коутиньо буни тўғрилаши мумкин.

Коутиньо Тэмми Абрахамни ҳам кучлироқ қилади. Ўзининг креативлиги, тажрибаси ва маҳорати эвазига Коут "Челси" форварди янада кучайиши учун идеал шерик бўлади. Англиялик ҳужумчи бразилиялик билан тил топишиши учун маълум вақт талаб қилиниши аниқ. Бироқ улар кейин АПЛдаги энг зўр жуфтликлардан бирига айланишлари мумкин.

Шу билан бирга "Челси" Филиппе Коутиньони сотиб олиш имконияти билан ижарага олса ютқазмайди. Бразилиялик футболчига ишонч билдириб, имконият берилса, у камида жамоа ўйинини бузиб қўймайди. 


Омонжон Тўхтамирзаев тайёрлади 

Rating: +4   

Comments

championat.asia
< show latest news
Яндекс.Метрика