Котрина Кулбите: "Нима бўлганда ҳам биз йўлланмани қўлга киритдик"

"Ўйинни жуда яхши бошладик ва ўз ўйинимизни намойиш этаётгандик. Кейин эса қизил карточка олдик. Четлатишдан сўнг биз учун ўйин тугади десак бўлади. Жамоам ўйинидан қониқмадим, тўғриси. Сўнгги вақт ичида биз намойиш этган энг ёмон иккинчи тайм бўлди. Нима бўлганда ҳам биз йўлланмани қўлга киритдик. Бу аёллар футболи учун катта натижа" - дея фикр билдирди Котрина Кулбите учрашувдан сўнг.

- Осиё чемпионатига бир йилдан камроқ вақт қолмоқда. Мусобақага тайёргарлик кўриш қачондан бошланади? Минтақадаги энг йирик мусобақага қандай қилиб тўғри тайёргарлик кўрмоқчисизлар?

- Бу ҳақда раҳбарият билан гаплашдик. Бугун эса, тарихий натижани нишонлашимиз керак. Ҳиссиётларга бой кун бўлди. Март ойига қадар расмий ва норасмий йиғинлар ўтказамиз. Ўртоқлик учрашувларида ва кичик мусобақаларда иштирок этамиз. Маҳаллий лига ноябрь ойида якунланади. Шу сабаб, март ойига қадар тўғри режа тузиб чиқишимиз талаб этилади. ЎФА бизга етарлича имкониятлар тақдим этади деган умиддаман.