Корреа Облакка "Челси" қизиқаётгани ҳақида: "Янга бошқа катта клуб керак эмас, сабаби у аллақачон "Атлетико"да"
01 aug 2020 12:26
News

Корреа Облакка "Челси" қизиқаётгани ҳақида: "Янга бошқа катта клуб керак эмас, сабаби у аллақачон "Атлетико"да"

"Атлетико" ҳужумчиси Анхель Корреа жамоадоши Ян Облакка "Челси"дан қизиқиш бўлаётгани ҳақида гапирди.

"Челси" дарвоза чизиғида муаммоларга дуч келмоқда. Клуб Кепани сотиб, бу пулни янги харидга сарфламоқчи ва бу ўринда "Атлетико" дарвозабони Ян Облакнинг номи кўп янграмоқда.

"Мен у каби дарвозабон кўрмаганман. Биз унинг олдимизда эканлигидан мамнунмиз. Облак бизга хавфсизлик берадиган дарвозабондир. Ян "Атлетико"да бахтли. У Мадридни севади. Клуб унга барча керакли нарсаларни беради.

Янга "Челси" керак эмас. Энг катта клублар уни хоҳлашади, Облакка эса улар керак эмас, сабаби у аллақачон "Атлетико"да. Лондон клуби унга "Атлетико" бераётган нарсани бера олмайди", - деб ишонч билан гапирди Корреа.

Эслатиб ўтамиз, "Атлетико"нинг словениялик посбони дунёнинг энг қиммат дарвозабони ҳисобланади.

Link :

Source : Marca

Receive latest football news directly on your phone. Subscribe for our Telegram channel!

Rating: +4