Коронавирус туфайли "Ливерпуль"нинг мукофот пуллари нисбатан камайди
28 jul 2020 17:24
News

Коронавирус туфайли "Ливерпуль"нинг мукофот пуллари нисбатан камайди

Пандемия туфайли "Ливерпуль" Премьер-лигадаги ғолиблиги учун қисқартирилган мукофот пулларини олади, аммо бу барибир жуда катта миқдор.

Маълумки, Премьер-лигадаги мукофот пуллари икки қисмдан иборат. Биринчиси барча 20 жамоа учун бир хил бўлса, иккинчиси жадвалдаги якуний позицияга боғлиқ бўлган мукофот пулидир.

Аслида "Ливерпуль" биринчи ўринни олгани учун 63 миллион фунт стерлингга эга бўлиши лозим эди, бироқ мавсумнинг маълум муддатга тўхтаб қолгани туфайли миқдор 14 фоизга қисқариб, 54 миллион фунт стерлингни ташкил этади.

Шунга қарамай, "Ливерпуль"нинг Премьер-лигадаги пул мукофоти умумий 175 миллион фунт стерлингга тенг. The Times маълумотига кўра, охирги ўриндаги "Норвич" 94 миллион фунт олади.

Бундан ташқари, "Ливерпуль" УЕФА Чемпионлар Лигасига чиққани учун 100 миллион фунт стерлинг миқдордаги маблағни олдиндан олади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +7