Конфедерациялар Кубоги. Турнир ҳақида батафсил

Финал баҳсида Германия Чилини 1:0 ҳисобида таслим этди ва қитъалар ўртасидаги энг кучли жамоага айланди.

Россияда бўлиб ўтган ушбу турнир ҳақида батафсил тўхталиб ўтишга қарор қилдик.

СТАДИОНЛАР

Турнирнинг 16 та учрашуви Россиянинг тўрт шаҳрида жойлашган тўрт стадионда бўлиб ўтди. Булар "Казань Арена" (Қозон), "Керстовский" (Санкт-Петербург), "Открытие Арена" (Москва) ва "Фишт" (Сочи).

Мусобақа мобайнида энг кўп томошабин йиққан баҳс кутилганидек финал ўйини бўлди. Чили ҳамда Германия терма жамоалари ўртасидаги учрашувга (0:1) 57268 мухлис ташриф буюрди. Ҳар бир стадион турнир давомида ўзида 4 тадан учрашув ўтказди. Санкт-Петербургда жойлашган "Крестовский" аренаси ушбу баҳсларда энг кўп мухлис йиға олган стадионга айланди.

"Керстовский" (Санкт-Петербург) - 198830 (4 та ўйин)

"Казань Арена" (Қозон) - 155034 (4 та ўйин)

"Отрытие Арена" (Москва) - 152549 (4 та ўйин)

"Фишт" (Сочи) - 121891 (4 та ўйин)

ГОЛ ВА ТЎПУРАРЛАР

Турнирда ўтказилган 16 та учрашувда 43 та гол урилди. Демак, ҳар бир ўйинга ўртача 2,69 та гол тўғри келади. Мусобақада энг кўп гол урган жамоа Германия бўлди. Улар рақиб дарвозасин 12 маротаба аниқ нишонга ола билишди. Конфедерациялар Кубогида 3 футболчи тўпурарга айланди: Леон Горецка, Ларс Штиндль, Тимо Вернер (ҳаммаси Германия) - 3 тадан.

Турнирда урилган голлар - 43 та

Ҳар бир учрашувда ўртача голлар сони - 2,69

Энг кўп гол урган жамоа - Германия

Тўпурарлар - Горецка, Штиндль, Вернер

Энг яхши ассистент - Эктор Эррера (3)

Энг кам гол урган жамоа - Янги Зеландия (1)

Энг кўп гол ўтказган жамоа - Мексика (10)

Энг кам гол ўтказган жамоалар - Чили, Португалия (3)

Турнирда гол урган энг ёш футболчи - Тимо Вернер (21 ёш 3 ой 19 кун)

Турнирда гол урган энг кекса футболчи - Пепе (34 ёш 4 ой 6 кун)

МУКОФОТ ПУЛЛАРИ

Конфедерациялар Кубоги ғолиби бўлган Германия терма жамоаси уйига 5 млн. доллар билан қайтди. Финалчи бўлган Чили эса 4,5 млн. долларга эга чиқди.

Германия терма жамоаси (турнир ғолиби) - 5 млн. доллар

Чили терма жамоаси (финалчи) - 4,5 млн. доллар

Португалия терма жамоаси (учинчи ўрин) - 3,5 млн. доллар

Мексика терма жамоаси (тўртинчи ўрин) - 3 млн. доллар

Янги Зеландия терма жамоаси, Австралия терма жамоаси, Камерун терма жамоаси, Россия терма жамоаси - 2 млн. доллардан.

ЭНГ ЯХШИЛАР

Турнирнинг "Олтин бутса"си 3 та гол уриб, 2 та голли пас берган Тимо Вернерга насиб этди.

"Олтин тўп" - Юлиан Дракслер

"Кумуш тўп" - Алексис Санчес

"Бронза тўп" - Леон Горецка

"Олтин бутса" - Тимо Вернер

"Кумуш Бутса" - Леон Горецка ва Ларс Штиндль

"Олтин қўлқоп" - Клаудио Браво

"Фейр-плэй" соврини - Германия терма жамоаси