Конфедерациялар Кубоги финалида статистика акс этадиган планшет синовдан ўтказилади

ФИФА икки жамоа таҳлилчи ва шифокорларига реал вақт режимида футболчиларнинг статистикаси ва ўйин видеосини кўрсатувчи планшетларни тақдим этади. Ушбу ғоянинг мақсади - техник зонада электрон ускуналарнинг фойдаси ёки зарарини аниқлаш. Ушбу технология илк маротаба ФИФА турнири вақтида синовдан ўтказилади.

Ҳар бир жамоага 3 тадан планшет берилади: бири - таҳлилчи, учрашувни трибунадан кузатувчига, иккинчиси - мураббийлар ўридиғидаги вакилга, учинчиси - клубнинг шифокорлар штабига. Планшетларда учрашув видеосини 30 сониялик кечикиш билан томоша қилиш мумкин. Шу билан бирга, футбочиларнинг статистикасини (узатмалар, тезлик, сирпаниб тўпни олиш, прессинг ва бошқа кўрсатчиклар) кузатиш имконини беради.

Синовда иштирок этадиган жамоалар бу технологиянинг натижалари борасида маълумот бериши керак. Жамоа вакиллари техник зонада ушбу технологиядан фойдаланишнинг фойда ва зарарлари ҳақида айтиб беришлари лозим.

Конфедерациялар Кубогининг финал баҳси бугун, 2 июль куни "Санкт-Петербург" стадионида бўлиб ўтади. Баҳс Тошкент вақти билан 23:00да бошланади.