Клублар ўртасидаги ЖЧ. Бешинчи ўрин учун ўйинда Эрматов видеоассистент бўлади

Ўзбекистонлик ФИФА рефериси Равшан Эрматов ушбу мусобақада ишлаётганидан хабарингиз бор. Ҳамюртимиз чорак финалдан ўрин олган Мексиканинг “Пачука” ва Марокашнинг “Видад Касабланка” жамоалари ўртасидаги учрашувида бош ҳакам вазифасини бажарганди. 

Бугун мусобақаинг бешинчи ўрини учун баҳсда "Видад Касабланка" ва "Урава Ред Даймондс" клублари майдонга тушишади. Мазкур ўйинни Матт Конгер (Янги Зеландия) бошчилигидаги ҳакамлар бошқариб боришади. Равшан Эрматов ва Жаҳонгир Саидов эса видеоассистент сифатида ишлашади.

Учрашув 12 декабрь куни Тошкент вақти билан соат 19:00да бошланади.

Бундан ташқари бугун дастлабки ярим финал учрашуви бўлиб ўтади. Унда Бразилияинг "Гремио" ҳамда Мексиканинг "Пачука" клублари тўқнаш келишади. Бу ўйин соат 22:00да старт олади. 

Эртага "Ал Жазира" - "Реал Мадрид" учрашуви ўтказилади.