Клопп: “У ўзини бундай тутиши керак эмас”

“Ўйин старти жуда яхши бўлди. Айнан шуни хоҳлагандик, ўйинга қаттиқ киришдик. Ҳаммаси ўз қўлимизда эди. Бироқ, баъзи вазиятларда шунчаки омад келмади.

“Кристал Пэлас”нинг баҳсдаги режаси беш ҳимоячи билан ортда ўйнаш, тезкор қарши ҳужумга ўтиш эди. Тезкор Уилфрид Захага қаршилик қилиш қийин.

2-тайм позитив бошланди, аммо қизил карточка – нокдаун. Албатта, қизил бор эди, Нуньес провакацияга учди. У бундай ҳаракат қилмаслиги керак.

Аммо орадан 4 дақиқа ўтгач, ҳисобни тенглаштиришга эришдик. 10 киши бўлиб жуда кўп тер тўкдик. Шу туфайли ҳозир бундан фахрланаман”, дейди Клопп.