Клопп клуб рекордини ўрнатди
17 feb 2020 19:58
News

Клопп клуб рекордини ўрнатди

“Ливерпуль” бош мураббийи Юрген Клопп клуб сафида дастлабки 250 та учрашувда ўзига хос рекорд ўрнатди.

Opta маълумотларига кўра, немис мураббийи ушбу ўйинларда 153-ғалабасини нишонлади. Шу тариқа у илгариги рекордсмен Кенни Даглишни (152 ғалаба) ортда қолдирди. Кучли учликни Рафаэль Бенитес (142 ғалаба) якунлаган.

Жамоанинг афсонавий мураббийлари Боб Пейсли (139) ва Билл Шенкли (133) тўртинчи ва бешинчи поғоналарни банд этишган. Олтинчи ўринда эса Жерар Улье (129) бормоқда.

Клопп 2015 йилнинг кузида Брендан Рожерснинг ўрнини эгаллаганди. Немис мураббийи қўли остида жамоа ўтган мавсумда ЕЧЛда ғолиб чиқди, УЕФА суперкубогини қўлга киритди ва йил якунида клублар ўртасида Жаҳон чемпионлигига эришди.

Link :

Source : Opta Sports

Receive latest football news directly on your phone. Subscribe for our Telegram channel!

Rating: +19