Клопп: “Бугун “Ливерпуль” ЕЧЛга лойиқ ўйнаганини кўрмадим”

“Ажойиб гол урдик, аммо ўйинни ўз фойдамизга якунлай олмадик. Етарлича яхши ҳаракат қилолмадик. Қарши ҳужумлар бўлмоқда, аммо тўп назорати одатдагидек сақлаб туришимиз керак эди.

Уларга ўйнашга қўйиб бердик ва улар голга лойиқ эди. “Ньюкасл” олдинроқ ҳам гол урди, аммо Уилсонга омад кулиб боқмади, қўл билан ўйин бўлди. Бироқ, мазкур совғага хурсанд эмасмиз.

Нега бундай бўлганини билмаймиз. Тўпни сақлаб қолишимиз керак эди. Қайсидир маънода етарлича курашолмаяпмиз. Тўпга назорат қилишдаги устунлигимиз 70 % эди, бу 80 га чиқиш керак эди. Голли вазиятлар яратдик, аммо унда фойдалана олмадик. Демак, бунданда кўпроқ ҳаракат қилишимиз керак. Бори шу. Ҳозирча эса бу бизда кўнгилдагидек чиқмаяпти.

Рақиб охиригача курашди, аммо бир очкодан бошқа ҳеч нарсага эга бўлмадик. Бу мағлубиятга тенг. Агар бунга лойиқ бўлсангиз, демак шундак бўлади албатта.

Бугун Чемпионлар Лигаси кейинги мавсумида ўйнаш ҳуқуқига лойиқлигимизни кўрмадим”, дейди Клопп.