Киберфутбол. ЖЧ йўлланмаси “Бунёдкор”да
30 sep 2016 17:39
News

Киберфутбол. ЖЧ йўлланмаси “Бунёдкор”да

29 сентябрь куни “Бунёдкор” стадионида киберфутбол бўйича жаҳон чемпионати саралаш учрашувлари бўлиб ўтди.

Аввалига 72та иштирокчи жамоа 8та гуруҳга 9тадан жойлаштирилди. Кейин натижаларга қараб юқори ўринларни эгаллаган қатнашчилар “плей-офф” босқичида иштирок этиш ҳуқуқини қўлга киритишди.

Қизиқарли ва муросасиз ўтган учрашувларда “Бунёдкор” жамоаси вакили Муҳаммадамин Турғунбоев (ники Ali_Bebeto) барча рақибларини мағлуб этган ҳолда биринчи ўринни қўлга киритди ва шу йилнинг 27-31 октябрь кунлари Франциянинг Париж шаҳрида бўлиб ўтадиган жаҳон чемпионатига Ўзбекистон учун ажратилган ягона йўлланмага эга чиқди.