Кенжа Тўраев ва Азамат Алланиёзов машғулотларни бошлашди
12 mar 2015 00:01
News

Кенжа Тўраев ва Азамат Алланиёзов машғулотларни бошлашди

"Насаф" жамоаси ҳужумчилари Кенжа Тўраев ҳамда Азамат Алланиёзов жароҳатлари боис ўтган мавсумнинг сўнгги қисмини ўтказиб юборишган эди.

"Насаф"нинг "Андижон"га қарши ўйин олдидан ўтказган машғулотларида Кенжа Тўраев ва Азамат Алланиёзов якка тартибда шуғулланишди.

Бу иккала футболчи ўтган мавсумнинг сўнгги қисмида жиддий жароҳат олиб жарроҳлик столига ётишга мажбур бўлишган эди. Ҳозирда футболчиларнинг аҳволи анча яхши ва кечадан бошлаб индивидуал тарзда машғулотларга киришишди. Кенжа Тўраев ва Азамат Алланиёзов ҳозирча фақат тўпсиз югуришмоқда. Уларнинг қачон сафга қайтиши аниқ эмас.

Шунингдек, жамоа ҳимоячиси Алишер Юсупов ҳам машғулотлар пайтида кичик, микро жароҳат олган. Унинг жароҳати жиддий эмас. Лекин Алишер Юсупов бугун "Андижон"га қарши баҳсда жамоасига ёрдам бера олмайди.

Link :

Source : championat.asia

Receive latest football news directly on your phone. Subscribe for our Telegram channel!

Rating: