"Келажак умидлари" тадбири бугун Яшнобод туманида давом эттирилди (фото+видео)

Бугун ЎФФ вакили Бегзод Арипов, Тошкент шаҳар футбол федерацияси вице-президенти Нодирхўжа Юлдашев, "Пахтакор" футбол клуби етакчилари Камолиддин Тожиев билан Жамшид Искандеров, "Odil Junior Carpi" футбол мактаби мураббийлари ҳамда сайтимиз ходимлари тумандаги 204, 244-ўрта мактаб, шунингдек 149, 557-болалар боғчаларида бўлиб, болакайларга Ўзбекистон Республикаси Президентининг байрам совғаларини топширишди.

Тадбир шунчаки болаларга совға улашишдан иборат бўлмади, балки ҳар бир боғча ва мактабдаги болакайлар билан турли спорт тадбирлари ҳам ташкил қилинди. Болалар ўртасида қизиқарли эстафелар ўтказилди. Айниқса 204-ўрта мактабдаги футбол мусобақаси жуда қизғин кечди. Бунда Жамшид Искандеров бошчилигидаги болалар жамоаси Камолиддин Тожиев жамоасига қарши баҳс олиб борди.

Албатта, бу тадбир ҳам футболсиз ўтмади. Болажонлар тўп тепиб ўйиндан завқ олишди. Ҳамманинг эътиборини ўзига қаратган пенальтилар серияси эса болакайларнинг ўзига ҳам жуда манзур бўлди. Эртага бундай тадбирлар пойтахтнинг барча туманлари бўйлаб яна давом эттирилади. Энг асосийси Янги йил байрами арафасида болажонларнинг кайфияти кўтарилса бўлгани.

TAS-IX