Касорланинг майдонга қайтиши яна ортга сурилди

Бу ҳақда футболчи "Твиттер"даги саҳифасида эълон қилди.

"Сўнгги бир неча ҳафта операция қилинган жойда ноқулайлик ҳис қилдим, шу сабабли навбатдаги жарроҳлик амалиёти керак. Айнан шу сабабли сафга қайтишим ортга сурилади. Ҳали қайтиб, футболдан роҳат оламан" - дейилади хабарда.

Сўнгги марта Санти Касорла 2016 йил 15 октябрь "Суонси Сити"га қарши АПЛнинг 8-тур учрашувида майдонга тушган эди.