Карло Анчелотти: «Хамес гол урди, бу унга қўшимча куч беради»

– Роналду оғриқ ҳис қилгани учун алмаштирилди. Чоршанба куни у тиббий кўрикдан ўтади, менимча унга жиддий ҳеч нарса бўлмаган.

«Атлетико» доим шундай тезкор ҳамда важоҳат билан ўйнайди, бу мен учун янгилик эмас.

– Симеоне Ди Марияни «Реал»нинг энг яхши футболчиси деб атади.

– Ди Мария ажойиб футболчи, аммо менимча Симеоне яна бир нечта футболчини унутди. Ди Мария ҳамон «Реал» футболчиси, жамоага керакли вақтда уни майдонга тушираман.

Хамес гол урди, бу унга қўшимча куч бағишлайди. «Атлетико» гол урган вазиятда дарвозанинг яқин устуни ёнида хатога йўл қўйдик.

Чемпионатни ким асосий дарвозабон сифатида бошлашини ҳал қилиб олдим, бироқ буни айтмайман, – дейди италиялик мураббий.