Каримов ва Норсафаров Элита ҳакамига айланиши мумкин
14 dec 2022 21:20
News

Каримов ва Норсафаров Элита ҳакамига айланиши мумкин

Ўзбекистонлик ФИФА ҳакамлари 2023 йилнинг 16-18 январь кунлари Малайзиянинг Куала-Лумпур шаҳрида ОФК томонидан ташкиллаштириладиган ОФК Ҳакамлар рекрутинги жараёнларида иштирок этишади.

Маълумот учун, ОФК минтақасидаги мамлакатлар белгиланган квотага мувофиқ ҳакамлар рўйхатини тақдим этишади. Ушбу ҳакамлар ОФК томонидан ўйин қоидалари, жисмоний тайёргарлик ҳамда инглиз тили бўйича билим даражаларини синовдан ўтказади. Синовдан муваффақиятли ўтган ҳакамлар ОФК Элита ҳакамлари рўйхатига киритилади. ОФК Элита ҳакамлари бутун мавсум давомида қитъа миқёсида ўтказиладиган халқаро нуфузли мусобақаларда ишлайдиган ҳакамлар гуруҳи ҳисобланади.

Рекрутинг жараёнларида Раҳимбек Каримов, Фирдавс Норсафаров (эркаклар футболи), Ойбек Калахўжаев (футзал) ва Розиябону Юсупова (аёллар футболи) иштирок этишади.

Эслатиб ўтамиз, айни дамда Ўзбекистонда уч нафар элита ҳаками — Аҳрол Рисқуллаев, Рустам Лутфуллин ва Илгиз Танташев фаолият юритади.

Link :

Source : Ўзбекистон футбол ҳакамлари маркази

Receive latest football news directly on your phone. Subscribe for our Telegram channel!

Rating: +1