Канте "Челси" билан шартномасини узайтиришга тайёр
23 feb 2023 08:39
News

Канте "Челси" билан шартномасини узайтиришга тайёр

Tags : Канте

Франциялик футболчи "кўклар" шарафини ҳимоя қилишда давом этишни истайди.

Таниқли инсайдер Фабрицио Романонинг сўзларига кўра, куздан бери майдонга тушмаган ва жароҳатдан кейин эндигина машғулотларни бошлаган Н'Голо Канте "Челси" билан янги шартнома борасида музокараларни бошлади. Франциялик футболчи ёзда эркин агентга айланиши мумкин, аммо у фаолиятини "кўклар" сафида давом эттирмоқчи. Маълум бўлишича, томонлар тез орада янги келишув муддати бўйича келишиб олишади, қолган тафсилотлар кейинроқ ҳал бўлади.

Канте "Челси"да 2016 йилнинг ёзидан буён тўп тепмоқда. У лондонликлар сафида 262 та ўйин ўтказди ва жамоага 2017 йилда Англия чемпионлигини, 2021 йилда эса Чемпионлар Лигасини қўлга киритишига ёрдам берди.

Link :

Source : twitter.com/FabrizioRomano

Receive latest football news directly on your phone. Subscribe for our Telegram channel!

Rating: +2