Канчельскис нима сабабдан "Навбаҳор" устидан ёзгани ҳақида гапирди

- Нима сабабдан шартнома бекор қилинди?
- Биринчи навбатда бу футболда бўладиган оддий иш, иккинчиси - инсонийлик фактори. Ҳеч қачон сени боймайдиган, пулингни бермайдиган жойда ишламаслигинг керак. Сабр ҳам тугайди. Шунингдек, клубда ишлаётган нопрофессионал инсонлар ҳам бунга сабабчи бўлишди. Улар билан доим баҳслашиб, сўкишиб ҳам бўлмайди. Футболга тааллуқли бўлмаган инсонларга ниманидир исботлаш қийин. "Навбаҳор" мухлисларига, Наманган халқига ачинаман. Улар бундай раҳбариятга лойиқ эмаслар.

- Нопрофессионаллар ким?
- Оддий бизнесменлар, улар қайсидир йўл билан клуб тизимига кириб қолишган. Россияда ҳам шундай ҳолатлар бўлиб туради. Умуман бошқа соҳадан кириб келиб, футбол мутахассисларига айланишади. Ўз вақтида "Волга"га бешкурашчи Сватковский келиб, футболчиларга қандай югуриш кераклигини кўрсатганди. Ҳамма ўз ишини тушуниши ва ишини қилиши керак.

- Ижтимоий тармоқларда мухлислар сизни алькоголь кўп истеъмол қилганликда айблашди. Бу жуда ачинарли ҳолат.
- Албатта, баҳона ҳам керак бўлади. Менимча уар Ромашенконинг сўзларидан ўрнак олишган. Мен доим "Навбаҳор" базасида яшаганман ва халқ кўз ўнгида бўлганман. Мен билан ишлаган бирор футболчи буни асосий сабаб қилиб кўрсата олмайди. Тухматни ёмон кўраман.