Канчельскис: “Навбаҳор” билан шов-шув кўтармоқчимасмиз”

“Навбаҳор” билан музокара олиб бормоқдамиз, улар эса барчаси ижобий якунланишини истамоқда, дейди Канчельскис. – Музокаралар давом этмоқда, на менга ва на уларга шов-шув, тортишувлар керак. Улар шартномада кўрсатилган барча нарсани тўлаб бериши лозим. Улар томондан барчаси аниқ ва равшан.

Ушбу масалани бир ҳафта ичида ҳал қиламиз деб ўйлайман. Агар уларнинг ўзлари мен билан боғланиб, қўнғироқ қилишса, демак, барчаси тинч тугашини хоҳлашаётган бўлади, дея қўшиб қўйган мураббий.

“Соғлиғим нормал ҳолатда, даволаниш курсини ўтадим ва тез орада айрим клублар билан музокараларни бошлашга умид қиламан. Чет элдан вариантлар бор, аммо ҳозирча буни ошкор қилмоқчимасман”, дея сўзларини якунлаган россиялик мутахассис.

Эслатиб ўтамиз, Канчельскис “Навбаҳор”да 2018 йил октябридан 2019 йил июнигача ишлаган, ўтган йилнинг августида эса бош мураббий вазифасига қайтди ҳамда 2020 йилнинг 9 октябрида у ўз лавозимини тарк этди.