Канчельскис Европа лигасида қайси жамоа ғолиб бўлишини айтди

«Челси» ҳамда «Арсенал» ўртасидаги ҳал қилувчи баҳс 29 май куни Озарбайжон пойтахти Боку шаҳрида бўлиб ўтади.

“Иккита ажойиб жамоа бир-бирига қарши тўқнаш келади. Баҳсда кўп гол урилишини кутмоқдаман. Ғолибликка асосий даъвогар қайси клуб деган масалага келадиган бўлсак, бу «Челси». Бу жамоада яратувчи футболчилар кўп ва жамоа ҳам «Арсенал»га нисбатан анча мувозанатлашган. «Тўпчилар» бир маромда ўйнай олмайди. Яхши ўйнайдигандек кўринади. Бироқ, барчаси пучга чиқади. Ўйлашимча, «Челси» Европа лигасида зафар қучади”, – дея қайд этган 50 ёшли мутахассис.