Камолиддин Мурзоев: "20 кун эмас, бир ҳафтага сафдан чиқдим"
30 mar 2014 13:17
News

Камолиддин Мурзоев: "20 кун эмас, бир ҳафтага сафдан чиқдим"

Қарағанданинг "Шахтёр" клуби ҳужумчиси Камолиддин Мурзоевнинг жароҳат туфайли 20 кунга сафдан чиққани ҳақида хабар берилганди.

Бугун футболчининг ўзи билан боғланиб, вазиятга ойдинлик киритдик.

"20 кун эмас бир ҳафтага сафдан чиқдим. Клуб шифокорлари томонидан белгиланган муолажаларни бошладим. Режа бўйича, бир ҳафтадан кейин майдонга тушишим мумкин. Лекин жароҳатим янада жиддийлашиб кетмаслиги учун кейинги ўйинда ҳам жамоамга ёрдам бера олмасам керак", - дейди Камолиддин Мурзоев.

Эслатиб ўтамиз, "Шахтёр" кеча мамлакат чемпионати доирасида "Тараз" клуби меҳмони бўлиб, йирик 5:1 ҳисобида зафар қучганди. Ана шу голлардан иккитасини Қарағанда клубидаги яна бир ҳамюртимиз Шавкат Саломов киритганди.

Камолиддин Алимов.

Link :

Source : championat.asia

Receive latest football news directly on your phone. Subscribe for our Telegram channel!

Rating: