Камо Газаров: "Пахтакор"га ҳам, "Бухоро"га ғалаба зарур"

"Бугун биз гарчи мағлуб бўлган бўлсак-да, шогирдларим ўйинидан қониқиш ҳосил қилдим. Учрашув давомида бизнинг устунлигимиз сезилиб турди, жуда кўплаб голли вазиятларни амалга ошира олмадик. Мезбонлар дарвозабони шу куни яхши ҳаракат қилди. Бизнинг футболчи тмайдондан четлатилгани охир-оқибат ҳисобда ўз таъсирини ўтказди. Иккинчи бўлимда кўпроқ ёшроқ футболчиларни майдонга тушурдик, улар бугун биринчи марта ўринбосарлар таркибида майдонга тушишди.

Асосий таркиблар ўртасида кечадиган баҳс эса турнинг энг марказий учрашуви сифатида эътироф этилмоқда. Бу учрашув ТВ орқали тўғридан-тўғри намойиш этилиши сўзимиз исботидир. Ҳар иккала жамоанинг имкониятлари тенг деб ўйлайман, иккала жамоага ҳам ғалаба зарур. Шу жиҳатлар ушбу учрашувни янада томошабоп бўлишини таъминлайди, хуллас мухлисларни ажойиб футбол кутиб турибди. Футболчиларга бу учрашувда омад тилайман", - дейди Камо Газаров.

"Бухоро" матбуот хизмати