Камбоджа терма жамоаси бош мураббийи "Витесс" билан футболчи сифатида шартнома имзолади

Кейсуке Хонда ва "Витесс" ўртасидаги имзоланган шартнома мавсум сўнггига қадар мўлжалланган.

"Витесс"да ҳозирда футболчига бегона бўлмаган мутахассис Леонид Слуцкий ишламоқда. Кейсуке 2010-2013 йиллар давомида ЦСКАда ўйнаган пайти айнан бош мураббий Слуцкий бўлган.

Хонда "Витесс" таркибига терма жамоанинг тез орада бўлиб ўтадиган ўйинларидан сўнг бориб қўшилади.

"Витесс" 12 турдан сўнг Голландия чемпионатида 5-ўринда бормоқда.

Эслатиб ўтамиз, 33 ёшли Хонда бир вақтнинг ўзида Камбоджа терма жамоаси бош мураббийи ҳам саналади.