Жордан Хендерсон фаолиятини Европанинг ТОП жамоасида давом эттириши мумкин

Ярим ҳимоячи Осиё мамлакатига мослашишда қийинчиликларга учрамоқда ва шу сабабли у жамоани тарк этмоқчи. Жанлука Ди Марционинг маълум қилишича, 33 ёшли футболчига Италиянинг “Ювентус” клубидан таклиф бор. Туринликлар инглиз футболчини ижарага олишни режа қилмоқда.

Эслатиб ўтамиз, Англия терма жамоаси хавбеки 2023 йилнинг ёзида 12 млн. фунт эвазига "Ливерпуль"дан Саудия Арабистонининг "Ал Иттфоқ" жамоасига ўтган эди. У келишувнинг 3 йиллик даври мобайнида "Ливерпуль"даги маошидан 4 баравар кўп даромад топиши белгиланган.