Жиянов мухлисларга ваъда берди

Uzbekistan

Friendlies . Round 1 20/11/2022, 17:00 0 : 0 Finished

Russia

Stadium: 14539 spectators

45'

90'

52'  Eldor Shomurodov (Igor Sergeev)

52'  Azizbek Turgunbaev (Ruslanbek Jiyanov)

64'  Rustamjon Ashurmatov (Alibek Davronov)

64'  Khozhimat Erkinov (Dostonbek Khamdamov)

87'  Ruslanbek Jiyanov (Bobur Abdikhalikov)

63'  Vyacheslav Karavaev (Artyom Makarchuk)

64'  Georgiy Dzhikiya (Maksim Osipenko)

69'  Alexander Silyanov (Anton Miranchuk)

76'  Arsen Zakharyan (Sergey Pinyaev)

77'  Aleksandr Sobolev (Nikolai Komlichenko)

Open in Match Center

Ўйиндан кейин Русланбек Жияновнинг фикрлари билан қизиқдик.

— Руслан, дебют билан табриклайман. Биринчи йиғин ҳақидаги таассуротлар қанақа?

— Ҳаммаси аъло даражада. Аввало, чақирилганимдан хурсандман. Мураббий майдонга тушиш имконини берди. Терма жамоа нималигини ҳис қилиб кўрдим. Раҳмат.

— Майдонда ортиқча босим пайдо бўлмадими?

— Йўқ. Ҳар доим қилиб юрган ишимиз, босим бўлиши керак эмас. 

—  Кузяев билан тўқнашув ҳақида гапирсангиз. Ўша эпизодга ҳакам эътибор қаратмади. Далер оёғингизга тепдими?

— Мен симуляция ишлатмайман. У оёғимни босиб олди. Рефери бу ҳаракатни "кўрмади".

— Бугун 35 дақиқа ўйнадингиз. Захирага олинаётганингизда мураббийдан ранжимадингизми?

— Йўқ, нега хафа бўлишим керак? У мени миллий жамоага жалб қилди, бу ерда дебют қилишимга имкон берди. Бу кунни ҳеч қачон унутмайман.

— Яшил майдонга чиққан ҳар қандай бола терма жамоада ўйнашни орзу қилади. Бугун сизнинг ниятларингиз амалга ошдими?

— Қисман айтсак, ҳа. Аммо бу билан тўхтаб қолиш керак эмас. Ҳали халқимизни хурсанд қиламан. Бунга ваъда бераман.

Фахриддин суҳбатлашди