Жезус ноябрь ойидан бери илк бор "Арсенал" машғулотларида қатнашди
08 mar 2023 23:10
News

Жезус ноябрь ойидан бери илк бор "Арсенал" машғулотларида қатнашди

Футболчи жароҳатида қутилганидан сўнг илк бор машғулотларда қатнашди.

"Арсенал" клуби ҳужумчиси Габриэль Жезус ноябрь ойидан бери илк бора клуби машғулотларида тўлиқ қатнашди. Ҳужумчи Жаҳон чемпионатида Бразилия термаси сафида жароҳат олганди.

Аввалроқ, "Арсенал" бош мураббийи Микель Артета форварднинг майдонга қайтишига оз фурсат қолганини маълум қилганди. Бироқ у аниқ санани айтмаганди.

Маълумот учун, Жезус жароҳатига қадар "Арсенал" сафида 20 та учрашувда майдонга тушганди. Унинг ҳисобида 5 та гол ва 6 та ассист бор.