Жеррард: "Коутиньо "Барса"да ўйнашни орзу қилади, аммо..."

"Юзага келган вазиятда фақатгина "Барселона“ айбдор. Каталонияликлар вакиллари Коутиньога: „Ҳозир ёки ҳеч қачон. Агар ҳозир сафимизга қўшилмасанг, бошқа сени олдинга қайтиб келмаймиз“, дейишади. Улар футболчига босим ўтказишмоқда ва шунинг учун Филиппе аросатда қолиб кетмоқда.

Жанубий Америкалик бу йигитча доимо "Барселона"да ўйнашни орзу қилган, шунинг учун бундай имконият келажакда бўлмаслигидан қўрқмоқда.

Филиппени яхши биламан. У жуда яхши инсон ва у жамоани жанжал билан тарк этишни истамаслиги аниқ. Унинг бугунги даражага чиқишида "Ливерпуль" катта роль ўйнади. У яқинда клуб билан 5 йиллик шартнома имзолади ва энди нима қилишини билмай қолди. Коутиньо клуб учун камида қилиши мумкин бўлган иш бу яна бир мавсум ўйнаб, кейин Каталонияга йўл олиш".