Жеко “Челси”га ўтмайди, унинг ўрнига Эмерсон Лондонга келяпти
30 jan 2018 00:59
News

Жеко “Челси”га ўтмайди, унинг ўрнига Эмерсон Лондонга келяпти

Матбуотда Лондоннинг “Челси” ҳамда Римнинг “Рома” клублари ўртасидаги Эдин Жеконинг трансфери юзасидан музокараларнинг тўхтаб қолгани маълум қилинди.

Ҳар икки томон Жеконинг трансфери юзасидан бир тўхтамга кела олишмаган. Лекин “Рома”нинг бошқа бир футболчиси Эмерсон дос Сантос “Челси” билан келишувга эришди ва тез орада Лондонга тиббий кўрикдан ўтиш учун учиб келади.

“Челси” раҳбарияти бразилиялик футболчи учун 20 миллион евро тўлайди. Агар Эмерсон янги клубида муваффақиятли ўйнаб кетса, “Рома”га яна қўшимча 8 миллион евро бонус пули ҳам берилади.